Football (Ligue 2) - Le GFC Ajaccio s'incline à Nantes (2-1)
(A redazzioni d'Alta Frequenza) - Nova scunfitta pà u Gazélec d'Aiacciu issu sabbatu dopu meziornu in Lega 2, nant'à u tarrenu di u FC Nantes, dui reti à una. L'aiaccini, curaghjosi è ghjinirosi, sarani stati assenti trè minuti duranti issu scontru; trè minuti chì ani parmissu à i lucali di fà trimà i reti corsi, grazia à rialisazioni di Djordjevic è di Bessat (42a è 45a). I ghjucadori di Thierry Laurey sò riisciuti malgradu tuttu à riducia u scartu à l'ora di ghjocu cù un tiru maravighjosu di Landre. U GFCA, chì hà fattu una di i so più belli partiti issa staghjoni, hà dunqua persu eppuru, è vedi u mantinimentu alluntanà si appena di più cù iss'ottesima disfatta à a fila. U Gazélec hè ultimu cù vinti punti, vali à dì deci di menu cà a prima squadra davanti à a zona rossa. U prossimu scontru, vennari contr'à Châteauroux è chì si duvia tena in Mezavia, si ghjucarà finalmenti in cuntinenti; u stadiu Ange Casanova essendu suspesu di modu cunservatoriu (veda altrò), i dirighjenti aiaccini duvarani truvà un tarrenu di rimpiazzamentu.
Ecoutez Loïck Landre, le défenseur ajaccien, au micro de la chaîne BeIn Sport.
Sur le même sujet
