Football (Ligue 2) - Le GFC Ajaccio se déplace à Niort
(A redazzioni d'Alta Frequenza) - 30a ghjurnata di Lega 2, u Gazélec d’Aiacciu si spiazza stasera (vennari) da u cantu di i Chamois Niortais. Avendu presu un puntu deci ghjorni fà contr’à Châteauroux, l’aiaccini, chì t’ani novi punti in iritardu di pettu à a prima squadra fora di a zona rossa è à u so avversariu di stasera 16u, duvarani vincia à tutti i patti s’elli volini tena una cria di spirenza pà mantena si. Da u cantu di u gruppu corsu, tuttu u mondu duvaria essa quì, fora di Loïck Landre è di Lucas Rastello, unu di i trè guardiani di l’effettivi, feritu fin’è a fin di a staghjoni. Un scontru chì principiarà à 8 ori.
