Football (Ligue 2) - Le GFC Ajaccio surprend Quevilly-Rouen et s'impose en Normandie (0-2)
(A redazzioni d'Alta Frequenza) - U GFC Aiacciu hà ritrovu a strada di a vittoria ssu vennari à sera in Liga 2, vincendu nant'à u tarrenu di Quevilly Rouen, 2-0. Duminati à partasi di u prima tempu è ridutti soprattuttu à deci contr'à ondeci dopu a sclusioni di Touré à a 41esima minuta, l'Aiaccini ùn ani cappiatu nulla malgradu tuttu. L'affari si sò dicisi duranti l'ultimu quartu d'ora, cù à a 75esima minuta una rialisazioni strasurdinaria di l'ultimu ghjucadori novu di u club Bahamboula à più di 30 metri da i gabbii lucali, eppo calchì siconda nanzi à a fini grazia à M'Changama, cù un contru rializatu d'una manera putenti. Un scenariu scemu è assai pusitivu pà i ghjucadori d'Albert Cartier chì sò oramai 11esimi cù 27 punti è una partita in iritardu ch'elli ghjucarani marti à sera in Mezavia contr'à Nîmes.
