Football (Ligue 2) - Le GFC Ajaccio veut rebondir à Clermont
(A redazzioni d'Alta Frequenza) - In Liga 2, u GFC Aiacciu ghjoca stasera (vennari) à 8 ori in Auvergne contr'à u Clermont Foot. L'uccasioni di ripighjà subbitu a cumpetizioni è di pruvà à rilanciassi dopu à a disfatta in casa contr'à l'ACA luni scorsu. Sarà malgradu tuttu difficiuli pà i ghjucadori di Thierry Laurey contr'à una furmazioni chì hà presu solu un puntu in trè ghjurnati, è chì vularà ritruvà a vittoria davanti u so publicu. Una squadra lucali duva ellu ci sarà stasera unu di l'attaccanti i più in forma di Liga 2, l'anzianu di u GFCA, Idriss Saadi, cù trè rialisazioni dipoi u principiu di u mesi d'aostu. M'Madi esci da u gruppu, mentri ch'elli entrini Fabre è Mayi ; u capitanu Louis Poggi, chì ùn era micca statu titularizatu contr'à l'ACA, duvaria vultà inde l'ondeci di Thierry Laurey.
Steti à senta l'intrenori di u GFCA.
