Football (Ligue 2) - Le messin Kévin Lejeune tout proche de l'AC Ajaccio
(A redazzioni d'Alta Frequenza) - U marcatu si compii oghji è l'AC Aiacciu si duvaria rinfurzà cù un ghjucadori novi. Un tweet di u FC Metz ci amparava arisera (marcuri) chì u so capitanu Kévin Lejeune si duvaria ingaghjà cù u club aiaccinu. Un'infurmazioni cunfirmata stamani da u ghjurnali l'Est Républicain. L'anzianu capitanu di Metz duvaria passà a so visita medicali oghji in Aiacciu è signà ghjustu dopu u so cuntrattu. Saria un elementu di prima trinca pà l'ACA. Kévin Lejeune hè un laterali pulivalenti di 32 anni chì hà ghjucatu 130 partiti di Liga 1, 142 di Liga 2 è chì hà scrittu in tuttu 23 rialisazioni. Hà purtatu i culori d'Auxerre, Nantes, Tours è Metz ssi sei ultimi anni. Diragnatu da feriti, hà participatu solu à 14 scontri di Liga 1 annu. S'ella si passa bè a so visita medicali, ssu trasferimentu pudaria essa cunfirmatu duranti a ghjurnata.
Sur le même sujet
