Football (Ligue 2) - Le nul aux forceps pour le Sporting à Guingamp
(A redazzioni d'Alta Frequenza) - Ghjocu à ballò, Lega 2, u Sporting hà suffertu duranti a maiò parti di u scontru ma hè riisciutu à buscà cù forza u risultatu à paru in Guingamp,una reta à una, arisera (vennari). Un scontru chì hè principiatu mali pà Bastia, postu chì bè sirvutu nant'à un centru, Douniama signava una reta à l'ondicesima minuta pà i brittoni. Ancu di grazia, dopu à un tiru nant'à u muntanti di Diallo, Maoulida ripighjava u ballò pà egualizà à a quindicesima minuta. Inveci chì u scontru partia nant'à un ritimu scemu, una trafalata hà toccu u Sporting cinqui minuti dopu. In fatti, dopu à un bisbighju cù un avversariu, u capitanu bastiacciu Yannick Cahuzac era splusatu. Una vera straziera aspittava tandu u Sporting fin'è a pausa, attaccati da tutti i parti da i lucali. Ind'u sicondu periudu, u Sporting hà patutu assai, Guingamp manchendu parechji volti di a cuncretisazioni, ma hè riisciutu ad avè uccasioni. Maoulida manchendu l'impussibuli à dici minuti di a fini. U Sporting hà meritatu u puntu di u risultatu à paru, è ancu puru s'ellu hè oramai seiesimu, hè sempri à dui punti di u terzu.
On écoute le coach bastiais Frédéric Hantz au micro de la chaîne CFoot
Sur le même sujet
