Football (Ligue 2) - Le retour de plus en plus probable d'Olivier Pantaloni à l'AC Ajaccio
(A redazzioni d'Alta Frequenza) - Ancu s'è l'idea di un ritornu d'Olivier Pantaloni à l'ACA ùn inghjinnaria mancu più dubbiti, l'infurmazioni ùn hè ancu stata ufficiali malgradu tuttu. L'anzianu intrenori di u Tours FC, chì hà demissiunatu di u so postu in principiu di sittimana scorsa, aspetta oramai a lettara di surtita di u so presidenti pà pudè essa libaru. Ma sicondu u ghjurnali L'Equipe d'oghji, ci duvaria essa un accunsentu da quì à pocu, à tal puntu chì Olivier Pantaloni si duvaria ingaghjà pà sei mesi + dui anni in casu di mantenimentu di l'AC Aiacciu in Liga 2. Sicondu i nostri infurmazioni, Olivier Pantaloni duvaria scuntrà Alanu Orsoni a sittimana chì veni pà pudè finalizà u so ritornu ind'u club. Un ritornu in casa pà Olivier Pantaloni, chì hà purtatu i culori di l'ACA duranti parechji anni, da a Naziunali 3 fin'è a Liga 2, ma chì hà intrenatu dinò a riserva di u club è chì hè statu aghjuntu di parechji intrenori com'è Roland Courbis, Gernot Rohr o Ruud Krol.
