Football (Ligue 2) - Le SC Bastia clôt sa saison ce soir à Istres
(A redazzioni d'Alta Frequenza) - Ultima partita di u Sporting Club di Bastia in Lega 2, chì andarà à ghjucà contr’à a squadra d’Istres à u stadiu Parsemain di Fos-sur-Mer stasera (vennari) à ottu ori è mezu. Un scontru chì ùn duvaria micca essa u più tremendu di a staghjoni, postu chì a fatiga accatastata di tutta una staghjoni duva u Sporting hà mantinutu u nivellu di ghjocu altu chì l’hà parmissu d’essa campioni di Lega 2 pisarà forsa assai stasera ind’i ghjambi di i bastiacci. Ghjucarani contr’à lucali chì ùn ani più nulla à ghjucà anch’elli, ind’un effettivu duva ci duvaria essa u futuru bastiacciu Julian Palmieri. Un cambiamentu solu ind’u gruppu di pettu à l’ultimu scontru : Sans, par via di un dulori à u ghjinochju laca u so postu à Sanaia. Da nutà chì u presidenti di a LFP, Frédéric Thiriez, si spiazzarà in Istres duva ellu darà u trufeu di campionu à u presidenti bastiacciu Pierre-Marie Geronimi senza ceremonia alcuna, iss’ultimu dendu lu à i so ghjucadori è à u so staff ind’i vestitoghji.
Écoutez l’entraineur bastiais, Frédéric Hantz.
