Football (Ligue 2) - Le SC Bastia dispose d'Amiens (2-1) et creuse l'écart
(A redazzioni d'Alta Frequenza) - In Lega 2, i 10 023 sustenidori di u Sporting Club di Bastia prisenti in Armand-Cesari arisera (vennari) sò torna una volta vultati in casa soia cuntenti, postu chì u Sporting hà battutu à Amiens 2-1. È torna una volta, hè una squadra mal classificata chì hà fattu strazià i ghjucadori bastiacci, colti à lestra, à a 9a minuta da Touzghar. Si pudia risenta a stanchezza di parechji ghjucadori bastiacci, chì si sò malgradu tuttu impegnati cù forza, di a manera chì ci vulia pà issu scontru. È nant'à una penalità da luntanu di Rothen, Bastia egualizava à a 16a minuta. U Sporting si mustrava prissanti, ma in vanu, i visitori tiniani bè. Ma à a 35a, nant'à un centru di Maoulida, Mienniel battia senza vulè la u so purtieri pà dà a vittoria à u Sporting. È malgradu l'uccasioni bastiacci dopu à què, l'affari duvia firmà cusì, à u piacè di u Sporting, chì t'hà oramai dodici punti d'avanza nant'à u quatriesimu à deci ghjurnati di a fini. Ùn ci hè micca da chì infiammà si malgradu tuttu pà l'allenatori bastiacciu Federicu Hantz.
Écoutez-le
