Football (Ligue 2) - Le SC Bastia étrille Troyes (5-1)
(A redazzioni d'Alta Frequenza) - In Lega 2, u Sporting Club di Bastia s'hè uffertu cù a manera à Troyes, cù una vittoria 5-1. Cù una squadra vultuliata duva certi ghjucadori accuppavani posti chì ùn erani micca i soi di regula, i bastiacci si sò missi in marchja à lestra cù un penalty di Suarez à a 12a, suvitatu à lestra dui minuti dopu da una reta di Maoulida. Forsa disturbati da u fretu, i dui squadri daviani una pristazioni di poca qualità. Troyes riducendu ancu l'affari à a 18a grazia à Camara contr'à una difesa bastiaccia appena debbuli. Ma issa squadra new look di u Sporting hà circatu à fà l'affari simpliciamenti dopu à a pausa, scelta chì hà pacatu à lestra cù a reta di El-Azzouzi à a 53a. Ùn era micca compiu malgradu tuttu pà i bastiacci, postu chì El-Azzouzi mittia un duppiettu à l'80a, eppo suvitatu da Harek una minuta dopu contr'à visitori tutalmenti persi. Una bella uparazioni pà u Sporting, chì metti u quatriesimu à cinqui punti dopu à issa bellissima vittoria.
Sur le même sujet
