Football (Ligue 2) - Le SC Bastia s'incline à Annecy après avoir raté sa première période (3-2)
Pà a 35esima ghjurnata di u campiunatu di siconda divisioni, u SC Bastia hà persu 3 à 2 in Annecy.
In cinqui minuti, u Sporting hà incasciatu trè marchi via Jean, Kamara è Kandil. Cù issi ghjocu beddu pessimu, hè stata infirnali pà i bastiacci, a prima parti llu scontru.
Dopu à u posu, è forsa ancu dopu à una bedda scuzzulata di l’addistradori, i turchini ani circatu à ripiddà u filu di u scontru : passata l’ora di ghjocu, Florian Bianchini hà uttinutu un calciu di riparu, ch’iddu mittia Santelli. Po’ quattru minuti dopu, hè statu Santelli à serva à Bianchini pà u sicondu marcu bastiacciu.
Ma malgradu iss’impegnu in a siconda parti llu scontru è a sclusioni di Demoncy, ùn a l’ani fatta i Turchini à rimpattà una prima parti di scontru vargugnosa.
À a classifica, Bastia hè 12esimu, cù novi punti d’avanzu à nantu à Troyes, a prima squadra à falà. Matimaticamenti, manca un puntu par assicurà u mantinimentu in siconda divisioni.
Sur le même sujet
