Football (Ligue 2) - Le SC Bastia va chercher une belle victoire à Bordeaux (2-3)
Cuntintà si di un pocu è fà lu fruttà bè, eccu ciò ch’iddu feci u SC Bastia, cuncritizendu i so pochi attacchi par vincia 3 à 2 in Bordeaux.
Pà u contu lla 32esima ghjurnata di u campiunatu di a siconda divisioni, sò bastati 45 sicondi à Christophe Vincent par metta u primu marcu bastiacciu, dopu à un beddu travaddu di Bonhert.
Issendu si impignatu in difesa, u Sporting hà aspittatu 26 minuti è un attaccu d’Alfarela par metta un altru marcu, Christophe Vincent ripiddendu un tiru d’Alfarela paratu è rimissu in ghjocu.
Passati 32 minuti, Alfarela, lanciatu bè da Janneh, mittia u terzu marcu bastiacciu.
À pena innanzi à u posu, Davitashvili daghjia un marcu à i lucali.
Quindici sicondi à pena dopu à u posu, Livolant mittia u sicondu marcu di Bordeaux.
Ma malgradu i tanti assalti di l’avvirsariu, tinia bonu u Sporting, masimu gramazia à u so guardianu Placide.
À a classifica, cù issa vittoria impurtanti, u Sporting t’hà cinqui punti d’avanzu à nantu à Troyes, a prima squadra à falà par avali.
Sur le même sujet
