Football (Ligue 2) - Michel Araai (OM) vers l'AC Ajaccio
(A redazzioni d'Alta Frequenza) - L'AC Aiacciu cuntinueghja u so marcatu. Pruvatu calchì ghjornu fà, u ghjovanu marsighjesu Michel Araai duvaria essa u prossimu ghjucadori novu aiaccinu. S'è l'infurmazioni ùn hè ancu stata ufficializata da u club, l'affari saria fattu sicondu u ghjurnali La Provence. Cunsidaratu com'è unu di i ghjovani i più attalentati di u club fuceanu, Michel Araai era statu premiatu ghjovanu u più bonu di u centru di furmazioni di l'OM prima di cunnoscia selezzioni cù a squadra di Francia U19. Una scumessa nant'à l'avvena pà l'ACA cù ssu ghjucadori di 20 anni. Da un'antra banda, u club prova in ssu mumentu à Alioune Fall, l'anzianu ghjucadori d'Evian.
