Football (Ligue 2) - Nicolas Fauvergue quitte l'AC Ajaccio
(A redazzioni d'Alta Frequenza) - "Mi ni vogu da l'ACA. Ringraziu tutti i parsoni chì m'ani sustinutu quì. Vi ringraziu pà tuttu". Eccu i parolli di Nicolas Fauvergue, l'attaccanti di l'AC Aiacciu, chì si ni duvaria andà dunqua da quì à calchì ora. Hè una surpresa pà tutti di veda chì u ghjucadori chì hà scrittu 14 rialisazioni a staghjoni scorsa, frà i quali 12 in campiunatu, hà da parta inde un antru club. À trè ghjorni di a fini di u marcatu, u club duvarà essa bonu pà truvà calchissia di u listessu nivellu pà rimpiazzallu, ciò chì ùn sarà micca faciuli. Sempri annant'à Twitter, Nicolas Fauvergue hà annunziatu dinò ch'ellu ùn participarà micca à a partita di stasera contr'à Tours.
Sur le même sujet
