Football (Ligue 2) - Nouvelles prises de position pour le SC Bastia
(A redazzioni d'Alta Frequenza) - U Sporting Club di Bastia tinia una cunfarenza di stampa eri in fin'di dopu meziornu (vennari), pà vultà nant'à l'affari straspurtivi in corsu. Primu annunziu, quilla di u ricusu di a cunciliazioni pruposta da u CNOSF à a squadra. In fatti, u cumitatu olimpicu prupunia d'avanzà u ghjudiziu di l'affari Bastia-Lens à ghjovi chì veni, contru à l'abandonu di tutti i carichi contru à a LFP. Di fattu, u ghjudiziu si tinarà bè u 24 di nuvembri davanti à a cumissioni di disciplina di a Lega. Sicondu annunziu, quilla di un scontru trà a squadra è u presidenti di a LFP, Frédéric Thiriez da quì à calchì simana, nant'à una pruposta di iss'ultimu. Un appuntamentu chì veni dopu à a chjama à a fini di a partita contru à Arles-Avignon a settimana scorsa, duva u presidenti di a LFP avia felicitatu a squadra pà a bona tinuta di u scontru. Infini, u cartulari Bastia-Monacu sarà ghjudicatu u 17 di nuvembri, inveci chì a lagnanza contr'à u dilegatu di a partita hè sempri in corsu di struzzioni.
