Football (National 3) - Le match Etoile Filante Bastiaise - US Endoume sera disputé à huis-clos
(A redazzioni d'Alta Frequenza) - Com'ella hè stata amintata ssu luni à sera inde a nostra emissioni C'est le Foot, a Federazioni Francesi di Ballò hà presu a dicisioni di fà ghjucà a partita privista sabbatu trà l'Etoile Filante Bastiaise è l'US Endoume senza publicu. Ssu scontru di Naziunali intarveni più d'un mesi dopu a disfatta di u Sporting Club Bastiacciu nant'à u tarrenu di u club marsighjesi inde un cuntestu assai difficiuli, postu chì i sustenidori bastiacci sò stati agressati in tribuna nanzi a partita da parechji parsoni, ciò chì hà inghjinnatu una lagnanza di u Sporting. Mutivi di securità sò dunqua liati à ssu scontru senza publicu, chì si pudaria ghjucà inde un antru stadiu cà quillu di Biguglia, François Monti, u tarrenu abituali di l'Etoile.
