Football (National) - Belle opération du GFC Ajaccio face à Colomiers (1-0)
(A redazzioni d'Alta Frequenza) - In Naziunali, u GFC Aiacciu hà battutu cù a più bella manera ssu vennari à sera in Mezavia Colomiers, 1-0, pà a 29a ghjurnata di campiunatu. Fendu una billissima partita, l'aiaccini ani fattu trimà i reti di i visitori à a 30a minuta, grazia à una rialisazioni magnifica di Famara Diedhiou. I ghjucadori di Thierry Laurey ani avutu in fatti parechji altri uccasioni piriculosi, è ani sappiutu firmà bè urganizati in difesa. Ci voli à dì dinò chì un ghjucadori di Colomiers hè statu sclusu à a fin di a partita. Cù ssa vittoria, u GFCA t'hà oramai setti punti di più di pettu à u quattriesimu, u Red Star, chì hà persu in Dunkerque. A sittimana chì veni, i corsi andarani annant'à u tarrenu di Luzenac, dighjà in Lega 2 dipoi ssu vennari à sera di manera ufficiali.
Sur le même sujet
