Football (National) - CA Bastia - Sedan se jouera à Vescovato
(A redazzioni d'Alta Frequenza) - Mentri chì ssu marti, u CA Bastia ricevi a squadra d'Auxerre in Cuppa di a Liga in u Stadiu Armand Cesari dopu à l'auturisazioni di a Cumunità d'Agglumerazioni di Bastia, u cartulari ferma sempri cumplicatu pà i partiti di Naziunali. In fatti, a Cumunità hà ricusatu torna à u CAB u fattu di pudè ghjucà in Furiani u so scontru di a quattriesima ghjurnata contr'à Sedan. Malgradu tuttu, i cabisti ùn avarani micca bisognu, stavolta, di parta in cuntinenti pà riceva i visitori ssu vennari, postu chì a Federazioni Francesi di Ballò hà accurdatu una derugazioni à u CA Bastia, chì pudarà ghjucà a so partita in u stadiu Jean Filippi di u Viscuvatu di ghjornu, à 6 ori. In un cumunicatu, u club ringrazia a municipalità di u Viscuvatu è i dirighjenti di l'AS Casinca pà a so accolta.
Sur le même sujet
