Football (National) - Déplacement compliqué pour le CA Bastia à Boulogne-sur-Mer
(A redazzioni d'Alta Frequenza) - In Naziunali, u CA Bastia, chì hè solu dui posti sopra a prima squadra ind'a zona rossa, ghjucarà stasera (sabbatu) à 8 ori una partita in iritardu annant'à u tarrenu di Boulogne sur Mer, quattriesimu. Un scontru dighjà capitali ind'a lotta pà u mantenimentu. S'è Truchet, Doumbia, Santelli è Bourgeois sarani assenti, Stéphane Rossi pudarà cuntà inveci annant'à u so novu ghjucadori, u difensori Freddy Rocher chì ghjucarà pà a prima volta cù a maglia cabista.
