Football (National) - Le CA Bastia accroché sur le fil par le Poiré-sur-Vie (2-2)
(A redazzioni d'Alta Frequenza) - Pà a seiesima ghjurnata di Naziunali, u CA Bastia hà persu dui punti duranti l'ultimi sicondi di a so partita contr'à Le Poiré sur Vie, fendu un risultatu à paru 2-2. I cabisti ani principiatu u scontru cù putenza uttenendu à a seiesima minuta un penalty trasfurmatu da Toudic. À 1-0, u CAB hà stallatu una duminazioni chì ùn dava micca i so frutti malgradu tuttu contr'à visitori bè urganizati in difesa. Dopu à a pausa, u CAB, forsa appena troppu cunfidenti, s'hè fattu surprenda quandu annant'à un centru, M'Changama hà egualizatu à a 49ima. Dopu, u CAB hà missu a prissioni ma contr'à una difesa sempri cusì bè urganizata, l'affari era difficiuli. Fin'è à a 77ima quandu dopu à una penalità putenti da luntanu rimandata annant'à a barra laterali da u guardianu visitori, Ripart hè ghjuntu à mezu à una furesta di ghjucadori di u Poiré sur Vie pà mandà u ballò ind'i gabbii. È mentri chì i corsi pinsavani di tena a so vittoria, un errori di difesa hà parmissu à Traoré, solu, d'eliminà à Lombard è di scriva a so rialisazioni ind'i gabbii bioti duranti l'ultimi sicondi.
Steti à senta l'intrenori cabistu, Stéphane Rossi.
Sur le même sujet
