Football (National) - Le CA Bastia accueille Vannes
(A redazzioni d'Alta Frequenza) - Stasera (vennari) à 8 ori u CA Bastia, seiesimu di u campiunatu di Naziunali, ghjucarà contr'à Vannes, dicesimu, pà a 34a ghjurnata di issu campiunatu. Dopu à una disfatta maiò in Boulogne sur Mer, i cabisti vularani buscà si un terzu successu à a fila in casa soia chì sicondu i risultati daretu pudaria parmetta à i bastiacci di mantena si di modu ufficiali in Naziunali. L'avversariu di a sera, Vannes, ùn hà più vintu dipoi u 23 di farraghju, avendu fattu cinqui risultati à paru è trè disfatti ultimamenti, tuttu què ind'un ambienti pocu bonu postu chì u club brittonu pirdarà u so statutu prufessiunali à a fin di a staghjoni.
