Football (National) - Le CA Bastia déçoit et perd face au Paris FC (1-2)
(A redazzioni d'Alta Frequenza) - In Naziunali, u CA Bastia hà persu in casa soia 1-2 contr'à u Parighji FC, un affari chì ùn l'era più accadutu dipoi u 18 di sittembri di u 2012. È infini, si pò dì chì issa disfatta hè appena logica, postu chì i bastiacci ani rializatu una partita menu bona daveru di pettu à i so ultimi scontri, essendu pocu ispirati à u nivellu uffensivu è micca parfurmenti ind'a circulazioni di u ballò, lachendu ancu a duminazioni à u Parighji FC ind'u primu tempu. Dopu à a pausa, i cabisti si sò svighjati appena, grazia à a reta di Traoré à a 58a. Ma dopu à què, u CAB hà straziatu torna, com'è ind'u primu periudu, cù un ghjocu veramenti di sottu. U Parighji FC, di bella fattura pà una squadra ind'a zona rossa, hà avutu un penalty à a 78a minuta par via di una falta di Salis è trasfurmatu da Diawara. Parighjini chì ci ani cridutu, è dopu à un centru inde l'aria ricappiatu da u guardianu bastiacciu, Lombard, Salim Moizini, anzianu ghjucadori di u Sporting, hà ripresu u ballò cù un'incapata à l'89a minuta, è hà datu a vittoria à u Parighji FC. À a classifica, u CAB fala à u dicesimu postu, ma t'hà sempri trè scontri in iritardu.
Sur le même sujet
