Football (National) - Le GFC Ajaccio reçoit Luçon à Ange Casanova
(A redazzioni d'Alta Frequenza) - 10a ghjurnata di Naziunali stasera (vennari) à 8 ori pà u Gazélec d’Aiacciu chì ricevi à u stadiu Ange Casanova a squadra di Luçon. Essendu a sola furmazioni chì ùn hè ancu à perda dipoi u principiu di a staghjoni, u GFCA, chì hè sempri in corsa in Cuppa di Francia dinò, t’hà un scopu unicu pà ssu scontru : buscà si i trè punti di a vittoria. Contr’à l’aiaccini, ghjucadori chì collani da u CFA chì facini un principiu di campiunatu mezanu, à u 10u postu di a classifica cù 9 punti in 9 partiti, è chì t’ani a difesa a menu parfurmenti di u Naziunali. Ind’u gruppu corsu, guasgi tuttu u mondu hè quì fora di Rubion è Boujedra, feriti.
