Football (National) - Nouvelle défaite du CA Bastia contre Sedan (0-1)
(A redazzioni d'Alta Frequenza) - Principiu di staghjoni neru pà u CA Bastia, postu chì i Corsi ani persu torna contr'à Sedan 1-0 pà a quattriesima ghjurnata di Naziunali. Sedan, chì colla da u CFA, hà guadantu grazia à un ghjucadori corsu, postu chì hè Jean Jacques Rocchi chì hà scrittu a rialisazioni di a vittoria à a 37ima minuta. Malgradu parechji provi, u CAB ùn hè mai riisciutu à vultà à paru. I ghjucadori di Christian Bracconi, dopu à ssa terza disfatta in quattru partiti, sò ultimi di u Naziunali cù dui punti di menu di pettu à a prima squadra fora di a zona rossa.
