Football (National) - Un solide CA Bastia s'impose face à Boulogne (3-2)
(A redazzioni d'Alta Frequenza) - Pà a siconda ghjurnata di Naziunali, u CA Bastia hà battutu Boulogne sur Mer 3-2. Duranti u primu tempu, a partita, equilibrata, mancava appena di forza, i dui squadri circhendu si è essendu ubligati à ghjucà cù un ventu forti. Ma dopu à a pausa, u CA Bastia s'hè mustratu più vivu, una forma cunfirmata da una rialisazioni di Sonnerat à l'ora di ghjocu, u difensori bastiacciu avendu mandatu cù putenza u ballò cù un'incapata ind'i gabbii di Viviani. Bè lanciatu, u CAB hà cunfirmatu cinqui minuti dopu quandu Toudic hà crucificatu à Viviani. I visitori, chì ani persu cunfidenza lacavani di più in più spaziu à i corsi, ciò chì hà parmissu à i cabisti di scriva una rialisazioni nova à l'81a cù un bellu tiru d'El Hamzaoui, i nurdisti salvendu u so unori cù un bellu tiru di Vincent à l'88a eppo cù un corner ripresu da Jaques à a fin di u scontru.
Steti à senta a riazzioni di l'intrenori cabistu, Stéphane Rossi.
