Football - Olivier Pantaloni a démissionné de son poste d'entraîneur du Tours FC (officiel)
(A redazzioni d'Alta Frequenza) - Olivier Pantaloni ùn hè più l'intrenori di u Tours FC. Mentri chì una vuciata annunziava à meziornu a ghjunta di ss'ultimu à l'AC Aiacciu, Pantaloni hà demissiunatu dopu meziornu (marti) di u so postu d'intrenori di u club cuntinintali. Demissiunendu, laca u so aghjuntu, Alexandre Dujeux pighja a seguita pà assicurà u postu calchì tempu. Dopu à un principiu di staghjoni difficiuli cù a so squadra (8 disfatti è solu 2 vittorii), Olivier Pantaloni si pudaria rilancià forsa à l'AC Aiacciu. Hè in tutti i casi ciò ch'ellu sottu intendi u ghjurnali L'Equipe chì dici chì l'anzianu intrenori di l'ACA faria parti di i "picculi piani" di u club aiaccinu è chì ci saria un cuntattu. Ma par avà, Olivier Pantaloni ùn hà micca cunfirmatu ss'uzzioni è ùn rispondi micca à u telefunu. L'ACA cerca un intrenori dopu avè smessu di i so funzioni Christian Bracconi sabbatu scorsu.
