Football (play off) : L'ACA se qualifie pour les barrages à l"issue d'un match fou
(A ridazzioni d'Alta Frequenza) - I 7000 parsoni prisenti in Timizzolu issa duminica avarani vistu, fatta fini, unu scontru à perda ni ghjudiziu. In un embiu rabbiosu, parvia di l’evenimenti è pulemichi d’iss’ultimi ghjorna, ma supr’à tuttu parvia di a sfida di a cuddata, l’aiaccini si sò qualificati, da ghjustrà si la contru à u 18esimu lla Liga 1. Dopu d’avè marcatu i primi cù Gimbert, l’aiaccini ani rinculatu davanti à l’assalti di u Havre. È, com’è di logica, i nurmandi, à pena fatta a ripresa, si sò rimissi in a partita. Nimu marcarà più innanzi à u prulungamentu llu scontru. Ed hè tandu chì Mathieu Coutadeur, dopu d’essa si pittughjatu cù l’arbitru, fù missu fora, è ch’iddu fù accurdatu à i nurmandi un calciu di pinalità pocu chjaru. Sintindu si arrubati, i ghjucadori d’Olivier Pantaloni ani trovu cori è stintu, da rimpattà u scartu in un stadiu in focu, è à 9 contru à 9. S’erani ghjucati 126 minuti ! Ghjunti à i calci fermi, a ghjustezza di i marcadori aiaccini è una prova tamanta di Jean-Louis Leca mandaiani a squadra corsa à ghjustrà a so cuddata contru à Tulusa.
Sintiti à Olivier Pantaloni, addistradori di l’ACA
