Football (Transfert) - Andrey Panyukov officiellement à l'AC Ajaccio
(A redazzioni d'Alta Frequenza) - Hè ufficiali, l'internaziunali ghjovanu russiu Andrey Panyukov hè Aiaccinu. Impristatu cù un'uzzioni par essa cumpratu da u club lituanianu di l'Atlantas, hè scunnisciutu in Francia ma prisenta statistichi intarissanti. Fumatu in u Dynamo Moscow, ssu ghjucadori hà cunnisciutu tutti i selezzioni ghjovani in u so paesi fin'è l'ultimu nivellu (15 partiti, 7 rialisazioni). Dopu avè scrittu a so prima rialisazioni prufiziunali à 17 anni cù u Dynamo, hè statu impristatu prima d'essa trasferitu annu in prima divisioni lituaniana induv'ellu hà scrittu 20 rialisazioni in 20 partiti. Rimarcatu è suvitatu da clubs francesi numarosi dipoi parechji mesi, era annunziatu par asempiu in Monacu, Marseghja, Saint Etienne è à pocu pressu sei altri clubs di Liga 1 duranti a statina, senza chì u trasferimentu si fessi infini. Ss'ultimu s'hè ingaghjatu arisera, nanzi a sarratura di u marcatu ed era prisenti stamani in Timizzolu pà participà à u so prima intrenamentu. L'avvena ci diciarà s'ellu hè un bonu affari pà u club aiaccinu. Un antru attaccanti pudaria raghjunghja u club da quì à calchì ghjornu. Postu ch'ellu hè chjosu u marcatu, si trattarà o di un joker, o di un ghjucadori senza club.
