Football (Transfert) - Franck Etoundi rejoint le SC Bastia
(A redazzioni d'Alta Frequenza) - Muvimentu novu in u marcatu di i trasferimenti in u SC Bastia. In fatti, u Sporting hà trovu infini u so attaccanti, postu chì hè un ghjucadori suvitatu dipoi parechji mesi da a cellula di ricrutamentu chì hè statu cumpratu da u club bastiacciu. Franck Etoundi, attaccanti internaziunali camerunesi di 25 anni, s'hà da ingaghjà pà trè anni dopu a so visita medicali. Ghjunghjendu da u FC Zurich, chì hà da tuccà 500 000 auri d'indennità di trasferimentu, conta setti selezzioni cù i lioni, è ferma annant'à una staghjoni curetta cù Zurich, cù quindeci rialisazioni in trentasetti partiti ufficiali a staghjoni scorsa. T'avarà a missioni impurtanti di pighjà a successioni di Giovanni Sio, è sarà forsa assuciatu à Brandao in punta di l'attaccu, postu chì Etoundi t'hà un prufilu d'attaccanti piuttostu rapidu è sgualtru davanti i gabbii. U marcatu bastiacciu ùn si duvaria micca compia cusì, postu chì s'ellu ùn pò micca fà vena à Guillaume Gillet, u Sporting cerca sempri un mezu difensivu o riguaratori, è pudaria bè sceglia à Anders Konradsen, chì ghjoca par avà in Rennes.
Sur le même sujet
