Football (Transfert) - Six recrues aujourd'hui pour le CA Bastia
(A redazzioni d'Alta Frequenza) - U CA Bastia ùn hà micca a voglia di campà torna una staghjoni difficiuli com'è quilla scorsa. Dopu a ghjunta di un staff novu è par asempiu di Christian Bracconi com'è intrenori, hè ora di cambià un gruppu chì hà dillusu assai a staghjoni passata. Dopu meziornu, u club hà ufficializatu a ghjunta di sei ghjucadori : Jean Daniel Padovani (guardianu, 35 anni, anzianu di Dijon), Jean Joseph Miserazzi (difensori, 21 anni, Tours), Pierre Etienne Lemaire (difensori 24 anni, Angers), Abdoulaye Diawara (mezu di tarrenu, 32 anni, Colmar), Vincent Leca (mezu di tarrenu, 19 anni, AC Aiacciu) è Jackson Mendes (attaccanti, 24 anni, Arles Avignon) sò i primi ghjunti in Bastia. Ci duvariani essa altri ghjunti da quì à calchì ghjornu.
