Football (Transfert) - Un international espoir russe à l'AC Ajaccio ?
(A redazzioni d'Alta Frequenza) - L'infurmazioni ùn hè micca stata ufficializata da l'AC Aiacciu, ma cumunicata dopu meziornu (luni) da u club lituanianu di l'Atlantas annant'à Twitter. U ghjovanu attaccanti russiu Andrey Panyukov s'ingaghjaria dopu meziornu cù l'AC Aiacciu. Andrey Panyukov hè un ghjovanu attaccanti di 20 anni, furmatu in u Dynamo Moscow. S'hè fattu rimarcà ss'ultimi mesi scrivendu 19 rialisazioni in 19 scontri di campiunatu solu in Lituania (cù dui volti quattru rialisazioni di fila) cù u so club. Selezziunatu di logica cù i ghjovani russii, hà fattu trimà i reti setti volti duranti i 15 selzzioni cù a Russia. Duranti a statina, parechji squadri di L1, com'è Monacu, Marseghja, Montpellier, Saint Etienne, Rennes è Lorient erani intarissati da u so prufilu senza chì u trasferimentu si fessi. Un trasferimentu cunsidaratu com'è "ufficiali" da u club lituanianu, ma micca cunfirmatu da l'ACA par avà. Firmaremi prudenti dunqua.
Sur le même sujet
