Forages pétroliers : le danger se précise
(A redazzioni d'Alta Frequenza) - Ricerca di petrollu ind'u Mediterraniu uccidintali! A visioni di l'immensa marighjata nera chì hà toccu u golfu di u Messicu d'aprili di u 2010, è chì cuntinueghja i so malanni, frastuneghja parechji ghjenti, è micca solu in Corsica. I dumandi di ricerchi fatti da certi cumpagnii di petrollu sò sempri aspittendu una dicisioni di u guvernu è certi parsunalità pruvinzali, fendu dinò parti di l'UMP, ani dighjà fattu sapè u so ricusu forti davanti à una ipotesi simuli. Ma a frebba di u petrollu essendu com'è quilla di l'oru, vultulieghja parechji menti, si passa avà da u duminiu di l'ipotesi à quillu di a pussibilità, ciò chì faci crescia di più in più l'inchietudini. Ed'hè issu timori quì ch'ella ci voli fà cunnoscia Fabienne Giovannini, pà u gruppu Femu a Corsica di l'Assemblea Tarrituriali. Ùn ci pudemi più cuntintà di simplici muzioni di l'Assemblea; hè u so parè è a ci dici.
On l’écoute
Sur le même sujet
