Forte hausse du chômage en Corse entre mars et avril
(A redazzioni d'Alta Frequenza) - I sciffri di u marcatu di u travaghju di u mesi scorsu sò cunnisciuti. È senza surpresa, si custata una nova crescita di u disimpiecu in Corsica trà marzu è aprili. Pà i categurii A,B è C, si censa 18 047 parsoni chì dumandani un impiecu, vali à dì una crescita di 3,1% contr’à 1,2% à u nivellu naziunali pà u listessu periudu. Nant’à un annu, a crescita è di +14,7% nant’à l’isula, contr’à 10,8% in cuntinenti. A Corsica, chì t’avia sciffri à paru à l’ingrossu in prupurzioni cù i tindenzi naziunali, si scanta di manera pessima cù issa crescita di u disimpiecu à u nivellu isulanu.
