Forte mobilisation contre la réforme des retraites en Corse
Si hè mubilizata bè a Corsica contru à a riforma lli ritirati. I manifistazioni sò stati suvitati bè, in Aiacciu quant’è in Bastia. In a cità cismuntinca, malgradu u ventu è l’acqua, sò stati tanti è più i parsoni à viaghjà da u palazzu di ghjustizia à a prifittura.
Hè un pezzu ch’idd’ùn si erani visti tanti aienti pà una manifistazioni suciali.
A impurtanza di u sughjettu hà liatu tutti l’urganisazioni sindicali -STC, CGT, FO, CFDT, UNSA, CFTC, FSU, CFE CGC – suttu à una sola bandera.
Issa riforma di i ritirati passa mali à veru, è a mubilisazioni sindicali ùn hè chè à principiu, à senta ni à Jean Brignole, u sicritariu naziunali llu STC.
A ghjuvantù c’era ancu idda, à issa mubilisazioni. Masimu quidda di a france Insoumise, di a Ghjuvantù Cumunista Corsa, o ancu quidda ch’ùn si lia à una struttura qual’ch’idda sichi.
Una chjama à manifistà hè stata zifrata da più di centu ghjovani, d’ugni urisonti puliticu.
Pà issi ghjovani, issa riforma hà da dannà ben’intesa i so parenti, i travaddadori, è hà da nocia à veru à a sucità.
Steti à senta à Nicolas, unu studianti chì hà manifistatu ghjovi in Bastia.
