Fortes pluies sur la façade orientale de l'île: circulation perturbée sur plusieurs axes routiers
(A redazzioni d'Alta Frequenza) - L’acquati forti arrighjistrati dipoi arisera (ghjovi) annant’à a parti urientali di l’isula ani toccu parechji stradi. Sicondu u SDIS di Corsica Suprana, si custata parechji falati di petri. A strada naziunali 200 trà Corti è Aleria hè assai disturbata di fattu. Listessu affari in Vignale, annant’à a strada naziunali 193, cù assai acqua chì fala in fiumara. A circulazioni hè dinò assai difficiuli à u nivellu di l’Inzecca in Ghisoni. A prudenza a più maiò hè racumandata ; acquati novi sò aspittati annant’à a costa urientali ind’a ghjurnata, ciò chì pudaria inghjinnà disguasti novi.
Sur le même sujet
