Forum des Associations à Ajaccio: ACF sera de la partie
(A redazzioni d'Alta Frequenza) - A 14ima edizioni di u Foru di l'Associ sarà urganizata ssu sabbatu da 9 ori di mani à 9 ori di sera à u Palazzu di i Cungressi d'Aiacciu. Quist'annu, a Cità hà dicisu d'insista nant'à a ghjuventù, pà incuragiscia è sustena l'iniziativi è i prughjetti di i ghjovani aiaccini è corsi di manera ghjinirali. Animazioni di stands, infurmazioni, scambii è dibattiti sarani par asempiu à u prugrammu induva si pudarà ritruvà à mezu à tutti l'associ prisenti Action contre la Faim. A dilegazioni di Corsica Suttana animarà par un dettu ssu sabbatu à dui ori è mezu una cunfarenza nant'à u tema di "l'impegnu di i ghjovani inde l'umanitariu", cù u scopu di sinsibulizà u più ghjovani pussibuli è fà nascia parchì micca veri vucazioni.
Steti à senta i pricisioni di Patricia Bosquet-D'Agostinoz, dilegata pà a Corsica Suttana d'Action contre la Faim.
Sur le même sujet
