Frais d'avocat de Paul Giacobbi pris en charge par le CD 2B : l'étonnement d'Inseme
(A redazzioni d'Alta Frequenza) - C'era ssu marti una sissioni nova di u Cunsighju Dipartimintali di Corsica Suprana. Una sissioni cù un cartulari chì hà fattu nascia calchì dibattitu, quillu di a presa in carica da u Cunsighju Dipartimintali di i spesi d'avucatu di Paul Giacobbi inde l'affari dittu di i gîtes ruraux, pà quali hè statu missu in asamini duranti l'istati. U presidenti attuali di l'Esecutivu di Corsica, par via di u so statutu di presidenti di u Cunsighju Generali à l'epica di i fatti, vedi a legi autorizà a presa in carica di i so spesi di difesa da ss'entità. Malgradu tuttu, ssa misura hè stata validata di manera ufficiali ssu marti, senza i voti di u gruppu Inseme, chì ùn hà micca participatu à u votu. Una misura chì, s'ella hè dunqua tuttu à fattu legali è abituali in ssu gennaru di cartulari, hà surpresu malgradu tuttu l'eletti di u gruppu d'uppusizioni, chì incalca annant'à u fattu chì u Cunsighju Dipartimintali hà da finanzià a difesa di una parsona missa in asamini in un cartulari induva u Cunsighju hè partita civili.
Steti à senta à Vanina le Bomin, a presidenti di u gruppu Inseme.
Sur le même sujet
