François Hollande aimerait repousser les élections territoriales et cantonales à 2016
(A redazzioni d'Alta Frequenza) - È s'è l'alizzioni tarrituriali è cantunali erini rimandati d'un annu, in u 2016 ? Ni parlemi dipoi mesi è mesi, ma l'affari hè divintatu una vera pussibilità dipoi stamani (marti) ed hè stata annunziata d'altrondi da u presidenti di a Republica. In fatti, François Hollande cunsidareghja "ch'ellu saria intellighjenti di rimandà ss'alizzioni" in u 2016, pà "tena ss'alizzioni cù a nova urganisazioni di u tarritoriu". "Pensu chì dodeci rughjoni o ondeci rughjoni, a mità pudariani essa a carta bona di u nostru tarritoriu, è pà i dipartimenti, sò statu presidenti di cunsighju ghjinirali, una riforma maiò devi essa purtata, ùn c'hè più tempu à perda", hà dittu dinò u presidenti di a Republica chì faci sapè ch'ellu hà dumandatu à u guvernu di Manuel Valls di fà andà più in furia a riforma tarrituriali.
Sur le même sujet
