François Ollandini désire faire don du Lazaret à la CTC
(A redazzioni d'Alta Frequenza) - L'infurmazioni ùn hè micca ufficiali, ma pudaria essa u casu da quì à pocu. François Ollandini, u pruprietariu di u Lazaret, locu di cultura di trinca in Aiacciu, voli lacà u situ, è tutti l'opari d'arti chì sò nentru, à a CTC. In l'anni 90, François Ollandini, parsunalità cunnisciuta ind'u mezu di u turisimu in Corsica, avia ricumpratu i lochi, pà rinnuvà li, è trasfurmà li in locu di vita, di scambii culturali è d'avenimenti. Oghji, spettaculi numarosi, cuncerti, mostri, cunfarenzi, sò stati urganizati à u Lazaret. François Ollandini ci hà fattu sapè dunqua a so voglia di fà un donu à a Corsica, ma solu s'è u Lazaret ferma un locu di spaziu culturali. Ferma à sapè s'è a CTC hè intarissata pà divintà pruprietaria di i lochi.
Steti à senta à François Ollandini.
Sur le même sujet
