François Tatti explique les raisons de son alliance avec Auropa Eculugia i Verdi
(A redazzioni d'Alta Frequenza) - Ssu sabbatu, duranti una cunfarenza di stampa, François Tatti, candidatu chì hè surtitu da a maghjurità municipali in Bastia, hà annunziatu un novu sustegnu pà a so campagna di i municipali di u 2014. Un sustegnu chì hà da crià a surpresa ind'è parechji, postu ch'ellu hè quillu di Julia Sanguinetti, secretaria righjunali d'Auropa Eculugia I Verdi. Dui parsunalità pulitichi cù pusizioni assai luntani eppuru nant'à certi sughjetti di sucità impurtanti, com'è a cuufficialità di a lingua Corsa, si ritrovani sottu à a listessa bandera pà una campagna municipali chì diventa di più in più cumplessa ogni ghjornu. In fatti, s'è a secretaria ghjinirali d'Auropa Eculugia I Verdi susteni à François Tatti, u diputatu aurupeu corsu d'Europe Ecologie les Verts François Alfonsi ùn piatta micca u so sustegnu à Gilles Simeoni è Inseme per Bastia. Una situazioni chì hè ancu di più una surpresa parchì ci arricurdemi chì dui anni fà, Julia Sanguinetti era membra di u PNC, ed era trè anni fà nant'à a listessa lista cà Gilles Simeoni à i tarrituriali. Pà François Tatti, i pusizioni cumuni nant'à a parti sviluppu durevuli di u so prugrammu, frà altru nant'à i cartulari di u portu di a Carbonite, di a via ditta "dolci", di u rinnovu di u Forti Lacroix è di a gistioni di u tigliu, ma ancu a voglia di nuvità sò più forti cà i punti sfarenti chì poni sempri asista nant'à altri affari cù u partitu eculugistu. Hè a prima volta ch'ella ci hè un'unioni simuli, ma pà u candidatu quissa quì ùn duvaria micca essa l'ultima.
On écoute François Tatti.
Sur le même sujet
