François Tatti lance son Mouvement Corse Démocrate
(A redazzioni d'Alta Frequenza) - Ssa dumenica, più di 200 parsoni ani participatu à l’assemblea custitutiva di u Mouvement Corse Démocrate in Bastia. Una struttura pulitica nova à manca è criata da François Tatti, accumpagnatu da i so fideli bastiacci, quilli chì sò à fiancu à ellu ind’u gruppu Pour Bastia, Par Passion à u cunsighju municipali bastiacciu o ancu da u vici presidenti di a Camara d’Agricultura di Corsica Suprana, Jean Marc Venturi. S’è par avà, nisun parsunalità maiò hà raghjuntu ssu muvimentu, a purtata di u MCD hè bè righjunali. Cù pusizioni chì facini pinsà à quilli di Corse Social Démocrate cù una nota di cursisimu, a vulintà hè di lancià un’alternativa muderna è indipindenti à manca luntanu da un clientelisimu dinunziatu è cù un funziunamentu induva i membri pudarani pighjà i dicisioni. Identità è cultura corsa facini parti di i punti maestri cù una foma d’ecunumia suciali induva l’intrapresa saria valurizata è a lotta contr’à i discriminazioni. U MCD batti dinò à prò di a scrizzioni di a specificità di a Corsica inde l’articulu 72 di a custituzioni è di un autunumia più impurtanti pà a Corsica. È mentri chì i dipartimintali è i tarrituriali s’avvicinani, François Tatti, grazia à ssu partitu novu, vularia pisà annant’à discussioni pussibuli à manca ?
Steti à senta à François Tatti, fundatori di u MCD.
Sur le même sujet
