François Tatti se retire des primaires du PRG et officialise sa candidature aux municipales de 2014 à Bastia
(A redazzioni d'Alta Frequenza) - Stavolta, hè sicura, l'unioni di a manca bastiaccia hà schjattatu. In fatti, duranti una cunfarenza di stampa stamani (sabbatu), François Tatti, cù tutta a so squadra, hà annunziatu ch'ellu cacciava a so candidatura pà l'investitura di u Partitu Radicali di Manca. Ma issu ritiru ùn hè mancu appena un abbandonu pà l'ecchisi aghjuntu à u merri di Bastia, postu ch'ellu hà dicisu di prisintà si à i municipali di i 9 è 16 di marzu di u 2014, di fattu senza l'appellazioni PRG. Altra cunsiquenza di issa scelta, a validazioni di fattu, postu ch'ellu sarà u solu à parta, di a candidatura di Jean Zuccarelli cù u PRG. U peghju di i scenarii ch'ella timia una parti maiò di a manca bastiaccia hè in traccia di rializà si, parchì i dui parsoni principali di a manca bastiaccia andarani à batta si, ind'una battaghja di legitmità. Jean Zuccarelli sarà in corsa pà scriva un capitulu novu di a famighja Zuccarell ind'a casa cumuna di Bastia, dopu u so missiavu Jean è u so babbu Emile, mentri chì François Tatti andarà cù, à parè di parechji elettori di a maghjurità attuali, a maghjina di fighjolu spirituali ch'ellu ùn hè più di u merri attuali. Una divisioni chì pudaria essa ancu più forti à manca, Emmanuelle de Gentili riflittendu sempri à una candidatura cù u Partitu Sucialistu, è u Fronti di Manca essendu purtatu à rifletta à issa pussibilità, l'unioni di a manca fendu oramai parti di i libri di storia bastiaccia.
Ecoutez François Tatti.
Sur le même sujet
