Furiani : la mairie veut rassurer après le rapport de la Chambre Régionale des Comptes
Ci hè pocu, a Camara Righjunali di i conti hà publicatu un raportu chì tratta di a gistioni di a cità di Furiani dipoi u 2017. Ci hè stata signalata a crescita di u debitu, ch’in cinqui anni hè passatu da 1,5 miliona à 2,5 miliona. Issu debitu hè da supra bè à a norma pà i cumuni com’è quissa.
Par ciò chì tocca à u parsunali, hè stata signalata ch’iddu manca à spissu, è ch’iddi sò crisciuti bè l’effettivi municipali, chì sò passati da 67 à 95.
A Camara rimpruvarighja à a cumuna a poca chjarura bugitaria, è calchì irregularità par dui marcata publichi. Lettu issu raportu, a mirria hà datu calchì spiicazioni da tranquillizà i so abitanti.
Trattendu si di u debitu, a cumuna hà dittu chì, ancu puri ch’iddu cresca, i capacità à rimpattà lu – in quattru anni – sò menu longhi chè a solita norma.
Masimu ch’iddu si tratta chivi, à senta ni a municipalità, d’un debitu liatu à spesi maiori d’echippamentu à prò di l’abitanti.
I pinsera liati à i parsunala, a mirria i spieca cù a ripresa d’una ciucciaghja è di u sinemà, liata à ritiri assuciativi o privati. Par fini, a municipalità ricunnosci calchì strampalera è impricisioni, ma s’ingagia à ripiddà li pà l’à vena.
Steti à senta à Marie-Dominique Giamarchi, siconda aghjunta à i finanzi di Furiani.
