Fusillade de Silvarecciu : les précisions du procureur de la République de Bastia
(A redazzioni d'Alta Frequenza) - Duranti una cunfarenza di stampa data ssu luni da mani, u prucuradori di a Republica di Bastia Dominique Alzeari hà fattu u puntu nant'à l'inchiesta di a fucilata di U Silvarecciu, duva dui omi sò stati tombi è dui altri feriti frà i quali unu di manera assai gravi. Prima, nant'à a quattriesima vittima ritrova ssa dumenicata da ghjenti chì cunnisciani i vittimi, u prucuradori hà pricisatu chì ancu s'è ind'i fatti i dubbiti sò pochi, l'identità di a quattriesima vittima pudarà essa cunfirmata solu dopu à a so autopsia privista da quì à pocu in Bastia, par via di u statu di u cadavaru. Nant'à l'inchiesta ella stessa, i quattru omi essendu cunnisciuti da i servizii di pulizza, parechji pussibilità sò studiati. Malgradu tuttu, u prucuradori hà dittu chì par via di u fattu chì l'elementi d'inchiesta nant'à i lochi di u crimini assai larga sò spargugliati, ci vularà ad aspittà parechji ghjorni pà sapè ni di più nant'à i fatti è dunqua metta in risaltu certi ipotesi.
On écoute Dominique Alzeari.
Sur le même sujet
