Futur hôpital d'Ajaccio : le pessimisme ne semble plus prévaloir au sein de la communauté hospitalière
(A redazzioni d'Alta Frequenza) - Hè oramai ufficiali, è cunfirmatu da una lettara di a ministra di a Saluta Marisol Touraine, in u 2017, Aiacciu t'avarà un uspidali novu. U merri d'Aiacciu, u Direttori di l'Agenza Righjunali di a Saluta di Corsica è l'amministratori pruvisorii di l'uspidali di a Miséricorde, ani prisintatu chì hè pocu l'assi di travaghju è di parfurmenza di l'uspidali d'Aiacciu. Una lettara di missioni di u ministeru pà a direzzioni attuali di a Miséricorde pà suvità è survighjà l'evuluzioni di issu cartulari prima, eppo di issu cantieru dopu. U prezzu di issa custruzzioni hè di 150 millioni d'auri, finanziatu à 90% da u Statu. Aspittendu à què, accunciamenti ani da essa rializati, nant'à l'anzianu situ, pà assicurà una più bona accolta è una seguita di i pazienti più bona dinò. Si tratta frà altru di a ricustruzzioni di l'urghjenzi, di a criazioni di un'unità neuro vascularia, di un'allarghera di u sughjornu cortu geriatricu è di a mutualisazioni di i mezi cardio cù un partenariatu strettu rializatu cù Clinisud. S'è u pessimisimu hè statu prisenti pà un tempu troppu longu ind'a cumunità di l'uspidali d'Aiacciu, pari ch'ellu ùn sia più u casu; hè ciò ch'ella ci dici Dominique Aecker, l'amministratori pruvisoriu di a Miséricorde.
Écoutez-la.
Sur le même sujet
