Future Centrale à Cycle Combiné Gaz d’Ajaccio : la CGT dénonce des suppressions d'emplois
(A redazzioni d'Alta Frequenza) - "Ùn accittaremi micca chì u minimu impiegu sighi cacciatu" ! Ssu mughju hè lampatu da a CGT Energia Corsica, chì urganizava ssu vennari da mani una cunfarenza di stampa annant'à u situ di a cintrali di u Vaziu. In fatti, in u quadru di a futura Cintrali à Ciculu Cumbinatu Gaz d'Aiacciu, u sindicatu faci sapè chì a direzzioni naziunali di SEI privedi ch'ella sighi sfruttata da 40 agenti contr'à i 96 agenti chì facini viaghjà oghji quilla di u Vaziu, è i 75 impiegati di a cintrali nova di Lucciana. 56 impieghi sariani dunqua minacciati, un affari chì u sindicatu ùn pò micca tularà, versu u 2020 o u 2023, vali à dì quand'ella sarà pronta a Cintrali à Ciculu Cumbinatu Gaz. Un prughjettu novu chì và contr'à, sicondu a CGT, quillu iniziali discorsu è validatu di manera cuntrattuali trà a direzzioni è l'urganisazioni sindicali chì hè pronta à luttà oghji pà salvà ssa cinquantina di posti.
Steti à senta à Antoine Mandrichi, u Secretariu Generali di a CGT Energia Corsica.
Sur le même sujet
