Future Chambre des Territoires et position de Pierre Ghionga: réaction de JC Angelini
(A redazzioni d'Alta Frequenza) - Ni parlemi dipoi arisera (ghjovi), una muzioni hè stata aduttata da u cunsighju generali di Corsica Suprana pà fà cunnoscia cù forza u so disaccordu di pettu à a riforma istituziunali aduttata a sittimana scorsa. In fatti, u cunsighju generali, chì temi di veda un'istituzioni di un nivellu bassu pà Bastia, voli chì i membri di a futura Camara di i Tarritorii sighini eletti à u suffraghju universali è micca scelti da i futuri eletti tarrituriali. I cunsighjeri generali di Corsica Suprana, è Petru Ghionga u primu, ùn volini micca veda nascia un Senatu « à l’usu corsu ». Ssa presa di pusizioni di un membru di l'Esecutivu di Corsica hà fattu nascia riazzioni oghji (vennari) à l'Assemblea. U gruppu Femu a Corsica, in un'intarvinzioni viva di Ghjuvan Cristofanu Angelini, hà vulsutu dì ciò ch'ellu pensa di ssi presi di pusizioni chì cambiani nentru à l'Esecutivu di Corsica.
U stemi à senta.
