Gaz en Corse : un décret avant la fin de l'année
(A redazzioni d'Alta Frequenza) - Ségolène Royal sarà dunqua in visita ufficiali in Corsica pà dui ghjorni è com'ellu a priciseghja u titulu di u so ministeru, ssa visita sarà cunsacrata à dui lati bè pricisi : l'energia è l'eculugia. A prima tappa sarà didicata à a legi annant'à a transizioni energetica è si parlarà dumani (vennari) in Aiacciu di a nova PPE, a prugrammazioni pluriannuali di l'energia. In fatti, a ministra di l'energia è di l'eculugia duvia essa prisenti à a riunioni di u cunsighju energeticu, di l'aria è di u clima di Corsica, chì lanciava oghji i travaghji d'elaburazioni di un pianu energeticu novu. U pianu 2004/2015 si compii quist'annu ed era dunqua impurtanti di fà un bilanciu di tuttu ciò chì hè statu fattu in una decina d'annati. U famosu triangulu, un terzu di fili, un terzu pruduzzioni, un terzu d'energii di rinnovu hè statu cunfirmatu torna è s'hè parlatu particularmenti oghji di a ghjunta futura di u gaz in Corsica. Postu chì Ségolène Royal ùn pudia micca essa quì pà a riunioni d'oghji, hè à a direttrici generali di l'energia chì tuccava à fà un annunziu impurtanti : un dicretu ministiriali validarà à u mesi di dicembri a nova PPE di Corsica, vali à dì a ghjunta di u gaz nant'à l'isula.
Steti à senta à Maria Giudicelli dopu à ssu cunsighju energeticu.
Sur le même sujet
