Gestion du port de l'Amirauté : Laurent Marcangeli défend sa conseillère municipale
(A redazzioni d'Alta Frequenza) - Hè calcosa d'evidenti di dì chì i raporti trà l'anziana municipalità d'Aiacciu è a nova sò difficiuli, è malgradu a vulintà di l'uni è di l'altri di nurmalizà a rilazioni, u pesu di a Storia, è di i prublemi in corsu ripighjani a suprana. S'hè vistu arisera (luni) duranti una sissioni diciaremi "amministrativa" - si parlava in fatti di u contu amministrativu 2013 - à un primu incidenti seriu trà i dui currenti. Quissu quì t'avarà cunsiquenzi durevuli d'altrondi annant'à a seguita di a prisenza o micca di l'eletti di l'uppusizioni nentru à u cunsighju municipali. In fatti, l'anzianu rispunsevuli di i finanzi Charly Cervetti s'hè dittu attaccatu di manera parsunali à l'uccasioni di a prisintazioni di un raportu annant'à a gistioni di u portu di l'Amirauté. Si sà u travaghju impurtanti chì hè statu rializatu da l'anzianu aghjuntu à i finanzi pà rimetta in ordini a gistioni di ssu portu, è hà risintutu propiu mali a manera ch'ella prisintatu u raportu Marie Ange Biancamaria. Laurent Marcangeli era assenti quandu c'hè statu ss'incidenti, ubligatu da u rigulamentu à andassini duranti u votu di u contu amministrativu. Hà vulsutu malgradu tuttu, è l'hà dittu vultendu in seenza, sustena com'ellu si devi a so cunsighjera municipali.
U stemi à senta.
Sur le même sujet
