Ghjurnate di Corti: les lignes ne cessent de bouger selon Jean-Guy Talamoni
(A redazzioni d'Alta Frequenza) - I 32i Ghjurnate Internaziunali di Corti si sò compii arisera (dumenica). Una nova edizioni chì hà adunitu parechji dilegazioni internaziunali, duranti tutta a dumenicata, ma dinò eri dopu meziornu sfarenti cunsighjeri tarrituriali ed esecutivi invitati da Corsica Libera, chì urganizavani l'avenimentu. Maria Giudicelli, incaricata di u cartulari di u Padduc è di u statutu di residenti, è Petru Ghionga pà u latu lingua corsa raprisintavani l'esecutivu, eppo Jean Baptiste Luccioni, cunsighjeru tarrituriali pà Corse Social Démocrate pà u dibattitu di u dopu meziornu; mancava inveci Pierre Chaubon, chì porta a dumanda di riforma istituziunali, par raghjoni medicali. À a tribuna, pà ssu grand dibattitu, Femu a Corsica era prisenta dinò, senza sminticà u diputatu aurupeu François Alfonsi. Scambii custruttivi, cù una vera voglia di tuttu ognunu, malgradu i sfarenzi, di crià una maiurità forti à l'assemblea di Corsica, pà neguzià dopu cù l'istanzi pulitichi naziunali i più alti nant'à i quistioni fundali pà l'avvena di l'isula. Ghjuvan Guidu Talamoni hà custatatu una vera cuesioni di tuttu ognunu nant'à a riforma à rializà. Ss'ultimu ferma prudenti malgradu tuttu, è si ghjira dighjà ver di a riintrata, spirendu di veda l'assemblea di Corsica vutà a glubalità di una riforma tanta bramata.
Ecoutez le conseiller territorial Corsica Libera.
Sur le même sujet
